20 Years Lirex.com - IT Innovations

Консултантски услуги

Благодарение на богатото искуство и наталожените знаења во текот на годините од областа на ИТ, ние им помагаме на нашите клиенти да ги оптимизираат информатичките процеси во нивните организации.

• Управување на ИТ - ITIL

  (повеќе)

  Како поефикасно да се искористат инструментите на современите ИТ, за да се добие ново забрзување на работата?

  Денешниот развиен и динамичен бизнис има потреба од квалитетни ИТ услуги – со пристојана цена при побарување. Тоа не може да биде постигнато со стариот начин на управување со ИТ како технолошка структура. Овде ние можеме да помогнеме преку употреба на ITIL (Information Technology Infrastructure Library) – најдобрите искуства за управување на ИТ. Со воведувањето на ITIL, ИТ и деловните луѓе ќе почнат да планираат заедно, да ги контролираат процесите заедно, да ги тргнат сите препреки помеѓу себе и да имаат една општа цел. Лесно ќе можете да разберете што точно овозможуваат луѓето од ИТ одделот и како да ги оценувате услугите, кои што ги добивате од нив. На овој начин заедно ќе ја направиме вашата ИТ организација потранспарентна за управување.

• Ревизија на информациските системи

  (повеќе)

  Лирекс БГ е единствената организација во Бугарија, која што е сертифицирана по ISO 27001 за ревизија на информациските системи.

  Ревизијата на системите е дел од процесот за управување на ИТ, која што е тесно врзана со оценката за состојбата на информациските системи и стратешкото спроведување на целите во организацијата од ИТ групата.

  Нашата екипа, која што ја извршува ревизијата, се состои од експерти со над 10 години работно искуство во областа на ревизијата и управувањето со информациските системи и информациската безбедност. Експертизата на екипата е поткрепена со богатиот список од меѓународно-признатите сертификати како: CISA, CCIE Security, MCSE Security, Security+, SCSE, INFOSEC, CobiT и множество други. Во пракса, сертификатот за управување со квалитетот докажува, дека „Лирекс БГ” употребува систематски, повторлив, добро структуриран пристап за реализација на проектите, што е поврзано со ревизијата на информациските системи. На овој начин „Лирекс БГ” им гарантира на своите клиенти висок квалитет на извршените ревизиски услуги на информациските системи.

  Во последните 2 години, клиентите, кои што се потпираат на „Лирекс БГ” се: Бугарските Министерството за образование и наука, Министерството за земјоделие и храна, Министерството за труд и социјална политика, Општината на г.Софија, Челопеч Мајнинг, DPM – Gold Mine - Kapan, Armenia, Транс Телеком, Неохим.

• Проектирање на ИТ архитектурата и системите

  (повеќе)

  Создавањето и развојот на корпоративната ИТ инфраструктура бара претходно планирање и формирање на единствена концепција и стратегија. Таа е и услов за создавање на ефикасна и долгорочна инвестициска политика, како и гаранција за компатибилност на програмите и управувањето на информацискиот сервис. Системскиот пристап, карактеристичен за решенијата и услугите кои што ги предлагаме, го обезбедува реалното достигнување на конкурентните предности од примената на информациските технологии.

• Информациска безбедност

  (повеќе)

  Од бизнис гледна точка, информациската безбедност е еден од најважните аргументи за управување со информациските системи и безбедното зачувување на податоците во организацијата. Нашите експерти во оваа област ја разгледуваат информациската безбедност како комплекс од организациски и технички дејности:

  • Развој и имплементација на системот од полиси, процедури и инструкции за организација на процесот на информациските услуги и одговорностите за различните функции и улоги на корисниците во информацискиот процес;
  • Обука, консултации и техничка помош при поддржувањето на полисите, утврдени од нивото на информациска безбедност;
  • Зацврстување на корпоративната безбедност преку употреба на современите ИТ-основни методи и технологии, како: криптографска заштита, електронски потписи и други.

  Експертите на Лирекс БГ, во дадена област, употребуваат добри пракси за информациска безбедност и ги следат меѓународните стандарди како:

  • ISO 9001:2000 во областа на управувањето со квалитетот на дадените решенија;
  • BS 7799-2:2002
  • ISO/IEC 17799:2005 - Information Security Management Systems
  • ISO/IEC 27001:2005
  • ISO/IEC 27002:2007
  • ISO 19011:2002 – Насоки за квалитетот и/или ревизија на системското опкружување;
  • ISO/IEC TR 1335 ИНФОРМАЦИСКИ ТЕХНОЛОГИИ - Раководни принципи за управување на безбедноста на информациските технологии;

  Лирекс БГ има искуство во областа на апаратите за отчитување на документи и стандардите за нивно безбедно искористување како:

  • ICAO: ICAO NTWG, Biometrics Deployment of Machine Readable Travel Documents
  • ISO/IEC FCD 19794-5:Biometric Data Interchange Formats – Part 5: Face Image Data
  • ISO/IEC FCD 19794-4:Biometric Data Interchange Formats – Part 4: Finger Image Data
  • ANSI/NIST-ITL 1-2000 Standard “Data Format for the Interchange of Fingerprint, Facial, Scarmark & Tattoo (SMT) Information

  Вградувањето на решенијата поврзани со Информациската Безбедност се во тесна врска со одредени нивоа на доверливост кон организацијата и тимот преку директно учествување во проектите. Затоа, архивата на Лирекс БГ се занимава како со Бугарската, така и со НАТО класифицираната информација. Голем број професионалци (над 50) од сите оддели во Лирекс БГ, имаат пристап до класифицираната информација на различни нивоа(според неопходноста и проектот). Група од топ-експерти на Лирекс БГ поседуваат сертификати за пристап до NATO Secret информацијата. Клиенти, кои што и се доверуваат на Лирекс БГ за инсталации и консултирање во областа на информациската безбедност, се: Министерството за Внатрешни работи, Министерството за Одбрана, Државната агенција за информациска технологија и комуникација, АЕЦ „Козлодуј”, Лукоил, Петрол, ДАНС, Солвеј Соди, Челопеч Мајнинг, ING пензиско осигурување и други.

• Управување со бизнис трансформациите

  (повеќе)

  Што да промениме во организацијата на својата работа, за да заземеме лидерска позиција?

  „Надградување”, „актуелизирање” се термини, што се среќаваат во речниците за создавање на успешни компании. Зад нив стојат процесите на трансформација од старата кон новата состојба, на ниво на организациска структура, портфолио на производот, канали за дистрибуција и др. Нашиот тим има знаење и искуство за правилно дефинирање на задачата за трансформацијата, за избор на соодветните механизми за спроведување на трансформацијата, за одбележување на потенцијалните проблеми и ризици во претходниот период, за определување на критериумите за завршување на трансформацијата и трајното утврдување на новата состојба.

• Управување со бизнис процесите

  (повеќе)

  Добро дефинираните, организирани и беспрекорно извршените процеси во една современа компанија се предуслов за зголемена конкурентност, намалени трошоци, зацврстување на пазарните позиции и поголема флексибилност при променливите пазарни услови. Како одговор на современиот развој на компаниите, нашите консултантски екипи предлагаат насоки за интензивно управување и оптимизирање на овие процеси преку воведување на најдобрите пракси од областа. Базирајќи се на своето богато искуство, ние можеме да ви предложиме разработка и имплементирање на системите за управување на взаемните односи со клиентите (CRM), за управување на бизнисот (ERP), за управување со испораките (SCM), за управување со внатрешните услуги (HelpDesk, call-centre), за управување со обуката (e-learning), за управување со документацијата (e-book, Secret Book) и за управување на комуникациите (IPCC, virtual PBX, call-rec).

• Обука

  (повеќе)

  Нашиот центар за професионална обука спроведува специјализирани курсеви од областа на информациските и мрежни технологии. Сертифицираните лектори со кои што работиме, имаат богато академско и практично искуство во изградувањето и поддржувањето на комплексните информациски и комуникациски мрежи и системи. Програмите, кои што ги предлагаме се насочени, како кон почетниците во сферата на ИКТ, така и кон докажаните професионалци, имајќи потреба од актуелизирање на знаењата и стандардните пракси. Дополнително кон специјализираните курсеви, центарот организира и обуки за здобивање на професионални знаења и развој на клучните компетенции, како: управување со проекти и човечки ресурси, тимска работа, ефикасно презентирање и др.

  Центарот за професионална обука располага со две модерно опремени учебни сали во Софија. Има директен пристап до мрежната лабараторија, овозможувајќи спроведување на индивидуални практични обуки, потребни за визуелизирање на учебниот материјал и утврдување на наученото.